Vesa: Shqiptarët e kanë gjakun muzikë

Ylli shqiptar, Vesa Luma, beson se shqiptarët janë tejet të apasionuar pas muzikës, ndërsa kjo nuk është rastësi sipas bukuroshes bjonde. Vesa, e cila është e martuar me reperin dhe tekstshkruesin, Big Basta, ka shfrytëzuar Facebookun për të shprehur mendimin e saj mbi shqiptarët dhe lidhjen e popullit tonë me muzikën, me ç’rast ka folur duke u bazuar nga eksperiencat e mëparshme në spektaklet e talentëve të këndimit. “Është e pamundur. Sa herë shoh spektakle të talentëve dhe audicione muzikore, edhe pse me përvojë si konkurrente ashtu dhe si juri, përsëri mallëngjehem shumë”. “Një gjë është e sigurt – shqiptarët e kanë gjakun muzikë”, është shprehur Vesa në Facebook. Së fundmi Vesa Luma ka lansuar këngën me videoklip “24 Orë” që është pritur shumë mirë nga publiku.